Hvað?

Startup Tourism er tíu vikna viðskiptahraðall þar sem allt að tíu sérvalin sprotafyrirtæki í ferðaþjónustu fá tækifæri til að þróa áfram viðskiptahugmyndir sínar undir leiðsögn sérfræðinga. Hraðallinn hefst í þriðja sinn í janúar 2018 og fer fram í Reykjavík. Opnað verður fyrir umsóknir í september 2017.

 
18278573_1987567401477706_3016734012581252627_o.jpg

Afhverju?

Markmið Startup Tourism er að efla frumkvöðlastarf í ferðaþjónustu og ýta undir atvinnu- og verðmætasköpun á Íslandi. Verkefninu er ætlað að stuðla að faglegri undirstöðu hjá nýjum fyrirtækjum í ferðaþjónustu og dreifingu ferðamanna í kringum landið, árið um kring.

 

Hvernig?

Startup Tourism stendur yfir í tíu vikur. Þátttakendur fá aðgang að fullbúnu skrifstofurými á tímabilinu og leiðbeinslu og ráðgjöf frá reyndum frumkvöðlum, fjárfestum og sérfræðingum. Verkefninu lýkur með kynningum fyrirtækjanna fyrir fullum sal af fjárfestum og lykilaðilum í ferðaþjónustunni.

Umsagnir þátttakenda

Á þessum tíu vikum fór hugmynd okkar á flug og varð þannig sem við vildum hafa hana. Okkur óraði ekki fyrir hve mikið og mikilvægt tækifærið sem okkur var gefið myndi hjálpa okkur mikið. Það breytti ekki bara hugmyndinni heldur líka okkur og gerði okkur hæfari að fást við hindranir og vinna í lausnum. Takk fyrir okkur!
 

Deaf Iceland

 
_39A3247.jpg

Orð fá ekki lýst hvað Startup Tourism hefur gefið okkur mikið. Beinn aðgangur að fólki úr atvinnulífinu, góð ráð og undirbúningur fyrir nýja fyrirtækið er ÓMETANLEGT!

 
IceYoga

 
_39A3033.jpg

Ef þú vilt að draumurinn verði að veruleika þarftu að gera hann að þinni daglegu vinnu til þess að sannreyna hversu raunhæfur hann er. Startup Tourism gefur þér tækifæri til þess að prufukeyra bæði verkefnið og teymið þitt.

 

Sigló Ski Lodge